საქართველოს ცენტრალური ავტომაგისტრალის უბისა-შორაპნის მონაკვეთი 6 სექტემბერს დილით 05:00 საათიდან 07:00 საათამდე გადაიკეტება. ამის შესახებ ინფორმაციას საავტომობილო გზების დეპარტამენტი ავრცელებს.
"საერთაშორისო მნიშვნელობის თბილისი–სენაკი–ლესელიძის საავტომობილო გზის 176-ე კილომეტრზე, მაგისტრალის უბისა-შორაპნის მშენებლობის პროცესში, საავტომობილო დეპარტამენტის კონტრაქტორი ორგანიზაცია ,,ჩინეთის გზებისა და ხიდების კორპორაციის“ საქართველოს ფილიალი ახორციელებს ხიდზე რკინა-ბეტონის კოჭების მონტაჟს. რის გამოც, ავტოტრანსპორტის უსაფრთხო გადაადგილების მიზნით, საჭიროა 2021 წლის 6 სექტემბერს 05:00 სთ-დან 07:00 სთ-მდე პერიოდულად გადაიკეტება", - ნათქვამია გავრცელებულ ინფორმაციაში.
აღნიშნულ მონაკვეთზე ავტოტრანსპორტის მოძრაობის ჩაკეტვა 10-15 წუთიანი ინტერვალით იგეგმება.
