თავში

"წერილი გადასცა კოვიდინფიცირებული ქალისთვის, მაგრამ წაართვეს" - ლიზა იასკო

"წერილი გადასცა კოვიდინფიცირებული ქალისთვის, მაგრამ წაართვეს" - ლიზა იასკო
წერილი გადასცა კოვიდინფიცირებული ქალისთვის, მაგრამ წაართვეს - ლიზა იასკო

უკრაინის რადას დეპუტატის, ლიზა იასკოს განცხადებით, რომელიც გორის ჰოსპიტალში იმყოფებოდა, მიხეილ სააკაშვილის ჯანმრთელობის მდგომარეობა გაუმჯობესებული არ არის. 

„ვხედავ, რომ არის ყურადღება ექიმების მხრიდან, თუმცა გარკვეული პროცედურები მაინც არ კეთდება. ჩვენ ზუსტად არ ვიცით მისი ჯანმრთელობის მდგომარეობა. ხედავ, რომ ის ძალიან კარგად არ გრძნობს თავს, მსუბუქად რომ ვთქვათ, მისი მდგომარეობა არ უმჯობესდება და ეს ძალიან ცუდია. ვხედავ, რომ მას აქვს ძალიან სტრესული სიტუაცია. მუდმივად იგრძნობა ციხე. დღეს ვიცი, რომ იყო შემთხვევა, როდესაც მან გადასცა წერილი ქალს, რომელსაც კოვიდის გამო ჯანმრთელობის ძალიან მძიმე მდგომარეობა აქვს, თუმცა ეს წერილი წაართვეს. მან გადასცა წერილი მხარდამჭერი სიტყვებით, თუმცა ციხის დაცვამ სამწუხაროდ ამის საშუალება არ მისცა. ასევე, დღეს ჩვენი შეხვედრა რამდენჯერმე შეგვაწყვეტინეს და გვითხრეს, რომ უკვე საჭიროა გასვლა. სამწუხაროდ, გუშინ აქ ერთი დეპუტატი მთელი დღე ელოდა და როგორც ვიცი, არა მხოლოდ ის, სხვებიც ელოდებიან მიხეილთან მოხვედრას, თუმცა მათ არ უშვებენ და არ იძლევიან განმარტებებს, თუ რა წესებით უნდა შევიდნენ ეს ადამიანები. ამიტომ, გულწრფელად გითხრათ, მე არ მაქვს შეგრძნება, რომ ამ დღეებში რამე გაუმჯობესდა. ძალიან ვღელავ. არ ვიცით დიაგნოსტიკის ზუსტი მდგომარეობა ტრავმის შემდგომ სინდრომთან, სხვადასხვა სიმპტომებთან დაკავშირებით. მე ექიმი არ ვარ, თუმცა დარწმუნებული ვარ, საჭიროა უფრო მეტი. პირადად ჩემი აზრია, რომ ის, რა თქმა უნდა, უსაფრთხოდ უნდა იყოს და მე ვერ ვხედავ, რომ ამ პირობებში ის უსაფრთხოდ იმყოფება. მინდა აღვნიშნო მნიშვნელოვანი მომენტი, ის გააკეთებს განცხადებას, „ფეისბუქში“ გამოაქვეყნებს ინფორმაციას ბრძოლის შემდგომ პოლიტიკურ ნაბიჯებზე. ალბათ, საათის განმავლობაში“, – განაცხადა იასკომ.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system