საარჩევნო კენჭისყრისა და შემდგომ დღეებში საოლქო საარჩევნო კომისიებში, დაახლოებით, 1800 საჩივარი შევიდა. ამის შესახებ კომისიის იურიდიული დეპარტამენტის უფროსმა გიორგი სანტურიანმა ბრიფინგზე განაცხადა.
მისი თქმით, არჩევნებში მონაწილე ამომრჩევლების ბიულეტენების 3,27% ბათილად იყო ცნობილი პროპორციულ ნაწილში, ხოლო 4,15% მაჟორიტარულ ნაწილში, რაც 2016 წლის ანალოგიურ მონაცემებთან შედარებით ნაკლებია
"სულ საოლქო საარჩევნო კომისიებმა გადაითვალეს 19 უბნის შედეგი, საიდანაც უმეტეს შემთხვევაში შედეგები დარჩა უცვლელი, ზოგიერთი კი დაზუსტდა და შეიცვალა საოლქო საარჩევნო კომისიების გადაწყვეტილებით. მნიშვნელოვანია, რომ მცხეთის საოლქო საარჩევნო კომისიამ 46-ე საუბნო საარჩევნო კომისიის მაჟორიტარული საარჩევნო სისტემით კენჭისყრის შემაჯამებელი ოქმი ბათილად ცნო, რაც წინასწარი მონაცემებით ამავე მაჟორიტარულ ოლქში იწვევს მეორე ტურს“, - აცხადებენ საარჩევნო ადმინისტრაციაში.
