თურქეთში საქართველოს საელჩო მოქალაქეებს საქალაქთაშორისო მიმოსვლასთან დაკავშირებით არსებული შეზღუდვებზე აფრთხილებს. შეზღუდვები თურქეთის რამდენიმე ქალაქში, 15 დღის განმავლობაში იმოქმედებს.
საქალაქთაშორისო მიმოსვლასთან დაკავშირებით არსებული შეზღუდვები თურქეთის შემდეგ ქალაქებში იმოქმედებს: ანკარა, ბალიქესირი, ბურსა, ესქიშეჰირი, გაზიანთეფი, სტამბოლი, იზმირი, კაისერი, ქოჯაელი, კონია, მანისა, საქარია, სამსუნი, ვანი და ზონგულდაქი. აღნიშნული წესის დამრღვევი პირი დაჯარიმდება.
"შეზღუდვები კორონავირუსის შემდგომი გავრეცელების პრევენციის მიზნით, 19 მაისის 24 საათიდან 3 ივნისის 24 საათამდე გაგრძელდება. მიუხედავად ზემოაღნიშნულისა, ანკარაში საქართველოს საელჩო, სტამბოლში საქართველოს გენერალური საკონსულო და იზმირში საქართველოს საპატიო კონსულის ოფისი გააგრძელებენ მუშაობას, თურქეთის 4 ქალაქიდან (ანკარა, სტამბოლი, ანტალია, იზმირი) საქართველოს მოქალაქეთა სამშობლოში დაბრუნების უზრუნველყოფის მიზნით", - ნათქვამია საელჩოს განცხადებაში.
