თავში

,,ჯორჯიან უოთერ ენდ ფაუერის" სპეციალური განცხადება

,,ჯორჯიან უოთერ ენდ ფაუერის" სპეციალური განცხადება

საბურთალოს რაიონში, აღმაშენებლის ხეივანზე, აგრარული უნივერსიტეტის მიმდებარედ, კომპანია ,,ჯორჯიან უოთერ ენდ ფაუერის" წყალსადენის 1400 მმ-იანი მაგისტრალური ქსელი ავარიულად დაზიანდა. ამის შესახებ ინფორმაციას GWP სოციალურ ქსელში ავრცელებს. 

მათივე ინფორმაციით, ადგილზე მობილიზებულია სამუშაო ჯგუფები და დაზიანების აღსადგენად სამუშაოები მიმდინარეობს.

აღნიშნულთან დაკავშირებით, რამდენიმე საათის განმავლობაში, მაგისტრალური ქსელის წყლისგან დაცლაა აუცილებელი, რის გამოც დღეს, 20 იანვრის საღამოს 20:00 საათამდე, წყალმომარაგება შეზღუდული აქვს:

საბურთალოს რაიონში:
შანხაის დასახლებას, ვაჟა-ფშაველას და ყაზბეგის გამზირის ნაწილს, ვაჟა-ფშაველას კვარტლებს, გამრეკელის, ქავათარაძის და მიმდებარე ქუჩებს;

ვაკის რაიონში:
ნუცუბიძის პლატოს, მიკრო რაიონებს და კვარტლებს.

წყალმომარაგების შეზღუდვისა და აღდგენის შესახებ ინფორმაცია, „ჯორჯიან უოთერ ენდ ფაუერმა“ აბონენტებს წინასწარ, SMS-შეტყობინების სახით მიაწოდა. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით - http://www.gwp.ge

„ჯორჯიან უოთერ ენდ ფაუერი“ დისკომფორტისთვის ბოდიშს უხდის მომხმარებლებს და შეეცდება, სამუშაოების ჩატარება მოკლე დროში დაასრულოს.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system