"უსაფრთხო მედიაგარემოსთვის", - დღეს, ჟურნალისტური ეთიკის ქარტიის ორგანიზებით მთავრობის ადმინისტრაციასთან აქცია გაიმართა.
აქციის მონაწილეებმა ძალადობრივი ჯგუფების მიერ მედიის წარმომადგენლებზე მიზანმიმართული ძალადობა გააპროტესტეს და შესაბამისი პირების პასუხისგებაში მიცემა მოითხოვეს.
შეგახსენებთ, 5 ივლისს, თბილისში, რუსთაველის გამზირზე, "თბილისი პრაიდის" კვირეულის მოწინააღმდეგე რადიკალური ჯგუფები ჟურნალისტებს თავს დაესხნენ.
შსს-ს ინფორმაციით, ძალადობის მსხვერპლი მედიის 53 წარმომადგენელი გახდა.
რადიკალური ჯგუფები, მედიის წარმომადგენლებს გუშინ, 6 ივლისსაც დაესხნენ თავს.
ფოტოები: ჟურნალისტური ეთიკის ქარტია
