"ვაგრძელებთ იმ დაგეგმილ შემსუბუქებებს, რაც აქამდე განვაცხადეთ. კერძოდ დღეიდან უკვე შაბათ-კვირას იმუშავებენ შოპინგ მოლები არასასურსათო ვაჭრობის ობიექტები ბაზრობების ჩათვლით", - ამის შესახებ ეკონომიკისა და მდგრადი განვითარების მინისტრმა ნათია თურნავამ განაცხადა.
მისი თქმით, შოპინგ მოლების გახსნა მნიშვნელოვანია, როგორც დასაქმებულებისთვის, ისე მოსახლეობისთვისაც.
15 მარტიდან მუშაობას განაახლებენ ფიტნეს-კლუბები; აღდგება სასწავლო პროცესი აუდიტორიებში და განახლდება სასკოლო წრეები.
ამასთან, თეატრები, სპორტული კლუბები, პროფესიული ანსამბლები რეპეტიციებსა და ვარჯიშებს განაახლებენ. საქმიანობას სრულად, მაყურებლების დასწრებით კი 1-ლი აპრილიდან შეძლებენ.
