შინაგან საქმნეთა სამინისტროს საგანგებო სიტუაციების მართვის სამსახური ვარკეთილში საცხოვრებელი კორპუსის ევაკუაციასთან დაკავშირებით ინფორმაციას ავრცელებს.
„ვარკეთილში, ერთ-ერთი საცხოვრებელი კორპუსის მეორე სართულიდან ჩამოშლილი იყო საყრდენი კედლის გარე ფასადის ნალესი და დაბზარული იყო კედლები“, - ნათქვამია განცხადებაში.
სამაშველო ჯგუფის მიერ სიტუაციის შეფასების შემდეგ, სადარბაზოდან 18 ოჯახის ევაკუაცია მოხდა. შემთხვევის შედეგად არავინ დაშავებულა.
ადგილზე მობილიზებული იყო როგორც სახანძრო-სამაშველო, ისე სასწრაფო სამედიცინო დახმარების ჯგუფები და პოლიცია.