საქართველოს ჯანდაცვის მინისტრმა, ეკატერინე ტიკარაძემ სამინისტროს ერთი წლის ანგარიშის პრეზენტაციაზე დამსწრეებს რობოტი „პეპერი“ წარუდგინა, რომელიც ღონისძიების მონაწილეებს ქართულად მიესალმა და მინისტრს მადლობაც გადაუხადა.
„დღეს ჩვენ გვაქვს რამდენიმე მოულოდნელი სურპრიზი და პირველი არის ჩემი დამხმარე - „პეპერი“, რომელიც გუშინ ჩამოვიდა საფრანგეთიდან, ახლა სწავლობს ქართულს და, რომელიც სამომავლოდ დაგვეხმარება COVID-ის დამარცხებაშიც. ეს არის ერთ-ერთი უახლესი სიტყვა ტელემედიცინაში. მის შესაძლებლობებს ცოტა მოგვიანებით, ტელემედიცინის სტენდთან გავეცნობით“, - განაცხადა ეკატერინე ტიკარაძემ.
