გუშინ, 4 სექტემბერს, ფილარმონიასთან მომხდარი აფეთქებისას დაღუპული 26 წლის ახალგაზრდა გიგა გრიგალაშვილია. მას მეუღლე და მცირეწლოვანი შვილი ჰყავდა.
"საუკეთესო შვილი, საუკეთესო ადამიანი, ჩამოყალიბებული კაცი იყო. ჩვენთვის უცნობია, იქ რა მოხდა, იმედია, გაირკვევა, მაგრამ ეს ვერანაირი ნუგეშია დედისთვის… ბორჯომში ცხოვრობს მისი ოჯახი, არ ვიცი, როგორ უნდა მივუსამძიმრო დედამისს. ამაზე დიდი ტრაგედია რა უნდა მოხდეს", - ამბობს გრიგალაშვილის ახლობელი ხათუნა ნოზაძე.
გავრცელებული ინფორმაციით, გრიგალაშვილი და მისი თანამშრომლები კლუბ "დეჟავუში" კონდინციონერს ამონტაჟებდნენ და სწორედ ამ დროს აფეთქდა ჟანგბადის ბალონი.
გამოძიება დაწყებულია.
ამ დრომდე კლინიკაში რჩება ორი დაშავებული, მათგან ერთის მდგომარეობა მძიმეა და რეანიმაციაში იმყოფება.