მესტიაში გარდაცვლილი ტურისტი ქალი შვეიცარიის მოქალაქეა. მესტიის მერის, კაპიტონ ჟორჟოლიანის თქმით, ის გარდაცვლილი 29 წლის იყო.
"თხილამურებით იყვნენ ასულები ტურისტები და იქ გადაიჩეხნენ. გოგო გარდაიცვალა და ბიჭი გადარჩა," - განაცხადა მერმა.
საგანგებო სიტუაციების მართვის სამსახურის ცნობით, 112-ში შეტყობინება გულის უღელტეხილიდან შევიდა - ტურისტი მაშველების დახმარებას ითხოვდა. მისი თანმხლები ქალი ხევში სიმაღლიდან გადავარდა და გარდაიცვალა. მეხანძრე-მაშველებმა უღელტეხილზე მყოფი მამაკაცი ა.ვ. უვნებლად იპოვეს და ვერტმფრენში აიყვანეს. ხოლო, ხევში გადავარდნილი ქალის, ზ.გ-ს საძიებო-სამაშველო ოპერაცია დაუყონებლივ დაიწყეს. სამუშაოების შედეგად, ტერიტორიაზე აღმოჩენილ იქნა ქალის ცხედარი.
