საქართველოს პარლამენტის თავმჯდომარე არჩილ თალაკვაძე აცხადებს, რომ მთავრობისა და საზოგადოების ერთობლივი მუშაობა შედეგიანი აღმოჩნდა და ვირუსის გავრცელების მასშტაბი შემცირდა.
"როგორც ხედავთ, ის ღონისძიებები, რაც საზოგადოებასთან ერთად განვახორციელეთ, შედეგიანია. შედეგი არის ის, რომ ვირუსის გავრცელების მასშტაბები მცირდება. ძალიან მნიშვნელოვანია, რომ ჩვენ, როგორც ხელისუფლება ვმუშაობთ იმაზე, რომ ადრეულ ეტაპზე დაიწყოს ვაქცინაცია. ხვალ გვექნება ძალიან მნიშვნელოვანი შეხვედრა, სადაც განვიხილავთ ეპიდემიოლოგიური კუთხით არსებულ დინამიკას და ასევე სხვა საკითხებს,"- აღნიშნა არჩილ თალაკვაძემ.
