გოგა ჩანადირი სოციალურ ქსელში პოსტს აქვეყნებს.
ფოტოხელოვანი ინიციატივით გამოდის:
"შობა-ახალი წელი მოდის.
ეს საჩუქრების დროც არის და ვიცი, ამაზე ბევრი ფიქრობს.
გავკადნიერდები და მოგმართავთ, განსაკუთრებით კი დაწესებულებებს, რომ ქართული საჩუქრებით მიულოცეთ თქვენთვის მნიშვნელოვან ადამიანებს შობა-ახალი წელი.
ვერ წარმოიდგენთ, რა უზარმაზარ წვლილს შეიტანათ თანამემამულეებისა და ქვეყნის ეკონომიკის გაძლიერებაში.
თქვენი დამსახურებით არაერთი ოჯახი გაბედნიერდება, რადგან რაღაც შემოსავალი გაუჩნდებათ, მით უფრო, ამ რთულ დროს.
მოდით, ერთმანეთს ვაჩუქოთ ქართული.
წარმოუდგენლად ბევრი კარგი გვაქვს. არ გვეუხერხულოს, არ გვეხამუშოს.
დიდი მადლობა!
#ვაჩუქოთქართული", - წერს გოგა ჩანადირი სოციალურ ქსელში.
