თავში

ეზუგბაია: იმედი გვაქვს, რომ არ დამძიმდება

ეზუგბაია: იმედი გვაქვს, რომ არ დამძიმდება
ეზუგბაია: იმედი გვაქვს, რომ არ დამძიმდება

"კლინიკური მონაცემებით, ერთი მძიმე პაციენტის მდგომარეობა არ უმჯობესდება, მაგრამ არც უარესდება თვალხილულად და იმედი გვაქვს, რომ არ დამძიმდება, - ამის შესახებ იფექციური საავადმყოფოს სამედიცინო დირექტორმა, კლინიკაში მყოფი პაციენტების მდგომარეობაზე საუბრისას განაცხადა.

მისივე თქმით, პაციენტებს უტარდებათ შესაბამისი მკურნალობა, თუმცა დაავადების დინამიკა მკურნალობის მიუხედავად, 2 კვირის განმავლობაში შეიძლება დამძიმდეს.

"დანარჩენის შემთხვევებში, გვაქვს დადასტურებული 4 პნევმონია, მაგრამ მათი მდგომარეობა საშუალო სიმძიმისაა, დანარჩენების მდგომარეობა მსუბუქია. ვირუსის გამოვლენიდან 13 დღის განმავლობაში, მოსალოდნელია დაავადების პროგრესირება, მკურნალობის მიუხედავად. დაავადების დინამიკა დამოკიდებულია პაციენტის იმუნურ სისტემაზეც", - განაცხადა მარინა ეზუგბაიამ.

მისივე თქმით, დღეს covid19-ზე კიდევ 6 პაციენტის ტესტის პასუხი გახდება ცნობილი.

შეგახსენებთ, გუშინ კორონავირუსის 8 ახალი შემთხვევა დადასტურდა. ამ დროისთვის, საქართველოში კორონავირუსის 23 შემთხვევაა დადასტურებული.

კარანტინის რეჟიმში 126 ადამიანია, ხოლო სტაციონარში მეთვალყურეობის ქვეშ 46 პირი რჩება.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system