ზესტაფონში სასწრაფო დახმარების ექთანს კორონავირუსი დაუდასტურდა. ინფიცირებული მედიკოსი ქუთაისის ერთ-ერთ კლინიკაში მუშაობს და მისი დაინფიცირებაც აღნიშნულ საავადმყოფოს უკავშირდება.
უკვე გამოკვლეულია ინფიცირებულთან კონტაქტში მყოფი 9 პირი, ლაბორატორიული კვლევის შედეგად მათ ვირუსი არ დაუდასტურდათ.
თვითიზოლაციაში იმყოფებიანნ ექთნის ოჯახის წევრებიც.
ცნობისთვის, გასული დღე-ღამის განმავლობაში, საქართველოში კორონავირუსის 478 ახალი შემთხვევა გამოვლინდა და ინფიცირებულთა რაოდენობა 12 272-მდე გაიზარდა. გამოჯანმრთელდა 211 პაციენტი და საერთო რაოდენობა 6 538-ს შეადგენს.
გარდაცვლილია 93 ადამიანი.