ზუგდიდის ბოტანიკური ბაღის რეაბილიტაცია დასრულდა. მოქალაქეებს მისი დათვალიერება ხვალიდან შეეძლებათ. ოფიციალური გახსნა იანვარში იგეგმება.
როგორც Report.ge-ს ქალაქის მერიიდან აცნობეს, ბაღში სარეაბილიტაციო სამუშაოები ერთი წლის წინ დაიწყო. პროექტი ტერიტორიაზე არსებული შენობების განახლებას, წყალმომარაგების სისტემების გამართვასა და სასეირნო ბილიკების მოწყობას გულისხმობდა. მისი განხორციელებისას კომპანიამ ისტორიული პარკების ევროპული ქსელის ექსპერტების რეკომენდაციები გაითვალისწინა.
პროექტი საქართველოს მუნიციპალური განვითარების ფონდმა და ზუგდიდის მუნიციპალიტეტმა საქართველოს კულტურული მემკვიდრეობის სააგენტოსთან ერთად განახორციელა.
