ზუგდიდის რეფერალური საავადმყოფოდან კორონავირუსით ინფიცირებული პაციენტი გაიქცა.
შუა ხნის ქალმა კლინიკას გამოკვლევებისთვის დღეს მიმართა. მას ინტოქსიკაცია, მაღალი ტემპერატურა და ყელის ტკივილი აღენიშნებოდა.
პაციენტს კორონავირუსი დაუდასტურდა, თუმცა ის მედპერსონალს არ დაემორჩილა და საავადმყოფოდან გაიქცა.
გაქცეული პაციენტი საპატრულო პოლიციის თანამშრომლებმა ბოტანიკური ბაღის მიმდებარედ დააკავეს. ის კოვიდსასტუმროში გადაჰყავთ.
