ევროპის საჭადრაკო კავშირი ონლაინ-ჭადრაკის პირველ ჩემპიონატს უმასპინძლებს. აზერბაიჯანის ჭადრაკის ფედერაციის ინფორმაციით, ტურნირში მონაწილეობას აზერბაიჯანელი მოჭადრაკეებიც მიიღებენ. ის 5 სარეიტინგო ჯგუფში გაიმართება.
დღესდღეობით ჩემპიონატისთვის რეგისტრაცია 800-მა ადამიანმა, მათ შორის 19 აზერბაიჯანელმა მოჭადრაკემ გაიარა.
ჩემპიონატში მონაწილეობა ევროპის საჭადრაკო კავშირის ნებისმიერ მონაწილეს შეუძლია, რომელსაც FIDE ID აქვს. გარდა ამისა, მათ სიმბოლური საწევრო 5 ევროს ოდენობით უნდა გადაიხადონ.
ჩემპიონატი 16-31 მაისს გაიმართება. მასში მონაწილეობას 48 ქვეყნის მოჭადრაკეები მიიღებენ.