იმ შემთხვევაში თუ ლიონელ მესი "ბარსელონადან" წასვლას გადაწყვეტს, მისი შეძენის მსურველ გუნდს, კატალონიელთათვის 700 მილიონი ევროს გადახდა მოუწევს. ამის შესახებ Mundo Deportivo წერს.
კლუბში თვლიან, რომ მესი გუნდის შეტევის მთავარი ფიგურაა. არგენტინელს "ბარსას" სარეკლამო კონტრაქტების დიდი ოდენობაც უკავშირდება, რომელთა დაკარგვაც გუნდში არ სურთ.
შეგახსენებთ რომ "ბარსელონას" ახალი მწვრთნელი, ჰოლანდიელი რონალდ კუმანი უხელმძღვანელებს. სპეციალისტი ლიონელ მესის უკვე ესაუბრა. ადგილობრივ მედიას თუ დავუჯერებთ არგენტინელმა კლუბიდან წასვლის სურვილი გამოთქვა.
