ესპანეთის ბარსელონას ხელისუფლებამ სასტუმროს დანგრევა გადაწყვიტა, რომელიც "პარი სენ-ჟერმენის" არგენტინელ თავდამსხმელს, ლიონელ მესის ეკუთვნის. ინფორმაციას Mirror ავრცელებს.
77-ოთახიანი შენობის დანგრევის მიზეზი ქალაქის სტანდარტებთან შეუსაბამობა გახდა.
შენობა ბარსელონას სტადიონთან - კამპ ნოუსთან მდებარეობს.
არგენტინელს სასტუმროები იბიცასა და მაიორკაზე აქვს. ისინი Majestic Hotel Group-შია გაერთიანებული. 2017 წელს ფეხბურთელმა ბარსელონაში რეზიდენციის შეძენაზე 30 მილიონი ევრო დახარჯა.
მესიმ სასტუმრო შეიძინა ისე, რომ არ იცოდა, რომ ქალაქის ხელისუფლება შენობის დანგრევას უკვე გეგმავდა, რადგან ის სამშენებლო ნორმების შეუსაბამო იყო.
