მთავარი მწვრთნელის პოსტიდან ერნესტო ვალვერდეს გაშვების შემდეგ, „ბარსელონამ” შემცვლელი მალე იპოვა – გუნდი 61 წლის კიკე სეტიენმა ჩაიბარა. ინფორმაცია ახალი მწვრთნელის დანიშვნის შესახებ კლუბის ვებგვერდმა გაავრცელა.
ახალ მთავარ მწვრთნელთან კონტრაქტი 2022 წლის 30 ივნისამდე იქნება ძალაში. სეტიენს ოფიციალურად დღეს წარადგენენ. შეგახსენებთ, რომ მისი უკანასკნელი კლუბი სევილიის რეალ ბეტისი იყო.
