ტოკიოს ოლიმპიადის ორგანიზატორებმა, კორონავირუსთან დაკავშირებით ამოქმედებული საგანგებო რეჟიმის გამო, შესაძლოა, სტადიონებზე მაყურებელი არ დაუშვან, - ამის შესახებ ინფორმაციას სააგენტო Kyodo ქვეყნის პრემიერ-მინისტრზე, იოშიჰიდე სუგაზე დაყდნობით ავრცელებს.
ამასთან, არსებობს ალბათობა, რომ თამაშების გამართვის ადგილებში 10 ათასი ადამიანი დაუშვან.
საბოლოო გადაწყვეტილება დღეს, 21 ივნისს იქნება ცნობილი.
შეგახსენებთ, ტოკიოს ოლიმპიადა გასულ წელს უნდა გამართულიყო, მაგრამ კორონავირუსის პანდემიის გამო, საერთაშორისო სპორტული შეჯიბრებები ერთი წლით გადაიდო. თამაშები 2021 წლის 23 ივლისიდან 8 აგვისტომდე გაიმართება.
