ყატარის დედაქალაქ დოჰაში მიმდინარე ტურნირზე ძიუდოში, შეჯიბრის მეორე დღეს საქართველოს ნაკრების ღირსებას სამი ქართველი დაიცავს.
ნაკრებისთვის მედლების მოპოვებას 73 კგ წონით კატეგორიაში ლაშა შავდათუაშვილი, ხოლო 81 კგ-ში ტატო გრიგალაშვილი და ლუკა მაისურაძე შეეცდებიან.
შეგახსენებთ, რომ გუშინ მასტერსზე 66 კგ-ში ვაჟა მარგველაშვილმა ბრინჯაოს მედლისთვის მოლდოველი დენის ვიერუ ეფექტური გდებით დაამარცხა და საქართველოს ნაკრებს დოჰას მასტერსზე პირველი მედალი მოუტანა.
დღეს წინასწარი შეხვედრები 12:00 საათზე, ხოლო ფინალური ბლოკი 18:00 საათზე დაიწყება.