ევრობასკეტ 2022-ის საკვალიფიკაციო ტურნირის მეხუთე ტურში საქართველოს ნაკრები სერბეთთან დამარცხდა. ანგარიში 66:92 დასრულდა.
ეროვნულ ნაკრებს ვერ ეხმარებოდნენ გუნდის ლიდერები თორნიკე შენგელია, გოგა ბითაძე და სანდრო მამუკელაშვილი, თუმცა არც სერბეთის ნაკრებში იყვნენ NBA-ის მოთამაშეები.
აღსანიშნვია, რომ ილიას ზუროსის გაწვრთნილ საქართველოს ნაკრებს ფინალურ ტურნირზე მონაწილეობა გარანტირებული აქვს. საქართველოს ჯგუფში 5 შეხვედრა აქვს გამართული და აქედან 4 გამარჯვებით დასრულდა. შესაბამისად, ჯგუფში საქართველო კვლავ იკავებს პირველ ადგილს 9 ქულით. საქართველოს მოყვება სერბეთი 8 ქულით, ფინეთი 7 ქულით და შვეიცარია 6 ქულით.
საქართველოს ნაკრებიდან 20 ქულა გიორგი შერმადინმა ჩააგდო (+8 მოხსნა), 15 დუდა სანაძემ, 10-10 კი ფრენკამპმა და ბურჯანაძემ.
მატჩის საუკეთესო კალათბურთელი სერბი პეტრუშევი იყო - 27 ქულა. მისმა თანაგუნდელმა ანდუშიჩმა 22 ქულა ჩააგდო.