თავში

ევრობასკეტზე საქართველოს ნაკრების ხუთივე მეტოქე ცნობილია

ევრობასკეტზე საქართველოს ნაკრების ხუთივე მეტოქე ცნობილია

გერმანიის ქალაქ ბერლინში გაიმართა ევრობასკეტი 2022-ის წილისყრა, რომელშიც საქართველოს ნაკრების მეტოქეების ვინაობა გაირკვა. ესენი არიან: თურქეთი, რუსეთი, ესპანეთი, ბელგია, ბულგარეთი.

ევრობასკეტი ოთხ ქვეყანაში გაიმართება. თითოეულ მასპინძელს პარტნიორი ქვეყნის (ფედერაცია) არჩევა შეეძლო, რომელიც მასპინძლის ჯგუფში იასპარეზებს. ეს პრაქტიკა 2015 წლის ევრობასკეტიდან მომდინარეობს და მისი მიზანი ჯგუფური ეტაპის მასპინძელი ქვეყნებისთვის ღონისძიების მარკეტინგული და სპორტული მხარის უკეთესად დაგეგმვაა.

გერმანიამ პარტნიორად აირჩია ლიეტუვა, იტალიამ – ესტონეთი, საქართველომ – თურქეთი და ჩეხეთმა – პოლონეთი.

წინასწარ ცნობილი იყო, რომ თურქეთის (პარტნიორი ქვეყანა) გარდა საქართველოსთან ერთად ჯგუფში რუსეთი მოხვდებოდა. ეს უკანასკნელი საქართველოს ჯგუფში ბუნებრივად აღმოჩნდა, რადგან წინასწარ იყო ცნობილი, რომ IV კალათის დანარჩენი სამი წარმომადგენელი წილისყრისას ჩვენს ჯგუფში ვერ მოხვდებოდა: იტალია და ჩეხეთი თანამასპინძლები არიან, ხოლო ლიეტუვა პარტნიორად გერმანიამ აირჩია. დარჩა მხოლოდ რუსეთი.

A ჯგუფი: საქართველო, თურქეთი, რუსეთი, ესპანეთი, ბელგია, ბულგარეთი.

B ჯგუფი: გერმანია, ლიეტუვა, საფრანგეთი, სლოვენია, უნგრეთი, ბოსნია.

C ჯგუფი: იტალია, ესტონეთი, საბერძნეთი, ხორვატია, უკრაინა, დიდი ბრიტანეთი.

D ჯგუფი: ჩეხეთი, პოლონეთი, სერბეთი, ფინეთი, ისრაელი, ნიდერლანდები.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

ეს ახალი ამბები სხვა ენებზეც ხელმისაწვდომია:

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system