შვეიცარიის პროკურატურამ ფეხბურთის საერთაშორისო ფედერაციისა (FIFA) და ევროპის ფეხბურთის ასოციაციების კავშირის (UEFA) ყოფილ პრეზიდენტებს, იოზეფ ბლატერსა და მიშელ პლატინის ბრალი წაუყენა. ამის შესახებ ქვეყნის გენერალურმა პროკურატურამ განაცხადა.
გამოცემა CNN-ის ცნობით, მათ ბრალად ედებათ ორი მილიონი შვეიცარიული ფრანკის მითვისება და დოკუმენტების გაყალბება.
გამოძიების თანახმად, ბლატერმა 2011 წელს თანხა უკანონოდ გადაურიცხა პლატინის, რამაც დააზიანა FIFA-ს აქტივები.
აღნიშნულ საქმესთან დაკავშირებით, 2015 და 2016 წლებში ბლატერი და პლატინი თანამდებობიდან გადადგნენ.