იტალიური გამოცემის, "ევროკალჩომერკატოს" ინფორმაციის მიხედვით თუ ვიმსჯელებთ, "ნაპოლის" მთავარი მწვრთნელი ჯენარო გატუზო, საქართველოს ნაკრების შემტევს, გიორგი ჩაკვეტაძეს საკუთარ გუნდში იწვევს. გამოცემის გავრცელებული ამბის თანახმად, ტრავმის შემდეგ მოედანზე ქართველი ტალანტის დაბრუნებამ, ნეაპოლიტანურ კლუბს მის მიმართ არსებული ძველი ინტერესი გაუჩინა. დიდია იმის ალბათობა, რომ "ნაპოლიმ" ჩაკვეტაძე იანვარში გამოისყიდოს. ქართველი მოთამაშის გამოსყიდვის ღირებულება დაახლოებით 9 მილიონი ევროა.
