მედიაში გავრცელებული ინფორმაცია ტოკიოს ოლიმპიადის შესაძლო გაუქმების შესახებ სიმართლეს არ შეესაბამება. ამის შესახებ იაპონიის მთავრობის პრესმდივანმა განაცხადა.
მისი თქმით, ტოკიოში ზაფხულის ოლიმპიური თამაშების ჩატარების შესახებ გადაწყვეტილება ოლიმპიური ჩირაღდნის ესტაფეტის დაწყებამდე მიიღება, რომელიც 25 მარტს არის დაგეგმილი.
შეგახსნებეთ, გუშინ გავრცელდა ინფორმაცია, რომ საერთაშორისო ოლიმპიური კომიტეტი (IOC) ტოკიოს ზაფხულის ოლიმპიადის გაუქმებას არ აპირებს. ამის შესახებ IOC-ის წევრმა განაცხადა.
