ინგლისის საფეხბურთო ასოციაციას (FA), ისტორიაში პირველად, ქალი უხელმძღვანელებს. ამის შესახებ ოფიციალური განცხადება FA-ს ვებ-გვერდზე გამოქვეყნდა.
ორგანიზაციის არსებობის 157 წლის განმავლობაში მსგავსი პრეცედენტი აქამდე არ ყოფილა.
ინგლისის ფეხბურთის ასოციაციის ხელმძღვანელად დები ჰიუიტი დაინიშნა. მოვალეობის შესრულებას იგი 2022 წლის იანვრიდან შეუდგება.
დები Visa Europe-ის დირექტორთა საბჭოს წევრი და ბრიტანული რესტორნების და ბარების ქსელის, The Restaurant Group-ის ხელმძღვანელია.
2011 წელს ბიზნესში მიღწეული მიღწევებისთვის დები ჰიუიტს ბრიტანეთის იმპერიის ორდენი მიენიჭა.