კანადაში, პროვინცია ალბერტას ჰოკეის სპორტსმენებმა მსოფლიო რეკორდი დაამყარეს. თამაში 10 დღეზე მეტხანს გაგრძელდა და 15 თებერვლის გამთენიისას დასრულდა. მატჩი ქალაქ ედმონტონის მახლობლად ღია ყინულის მოედანზე გაიმართა. გუნდები Hope და Cure გამარჯვებისთვის იბრძოდნენ. 40 სპორტსმენი, რომლებიც ერთმანეთს ცვლიდნენ, 252 საათის განმავლობაში თამაშობდა ჰოკეის.
თამაშის ერთ-ერთი ორგანიზატორის თქმით, ბოლო სპორტული ღონისძიება უკვე გინესის რეკორდების წიგნში შეიტანეს. აღნიშნულია, რომ 10 დღის განმავლობაში მისმა მონაწილეებმა 1,84 მილიონ კანადურ დოლარზე მეტი (1,45 მილიონი დოლარი) შეაგროვეს. ცნობილია, რომ თანხა ალბერტას უნივერსიტეტში კიბოს კვლევას მოხმარდება.
ორგანიზატორმა ასევე დასძინა, რომ სპორტსმენებს თამაშის დროს წვიმა და ყინვაც კი ვერ უშლიდა ხელს. მან დაამატა, რომ ჰოკეის მოთამაშეებს სერიოზული დაზიანებები არ მიუღიათ.
ცნობილია, რომ წინა რეკორდიც ამ ორმა გუნდმა დაამყარა. 2018 წელს მათ შეუჩერებლად 251 საათი 7 წუთი და 58 წამი ითამაშეს.
