იტალიაში გამართულ იუნორთა შორის გრან პრის ფინალში ქართველმა მოციგურავეებმა ოქროს მედლები მოიპოვეს. მარია კაზაკოვამ და გიორგი რევიამ ორი პროგრამის ჯამში 175.90 ქულა დააგროვა და საუკეთესო შედეგი აჩვენა. მეორე ადგილზე გავიდა ამერიკელი წყვილი, რომელიც საქართველოს წარმომადგენლებს 0.16 ქულით ჩამორჩა.
ეს საქართველოსთვის გრან პრის პირველი ოქროს მედალია. ფინალში მსოფლიოს საუკეთესო 6 წყვილი იღებდა მონაწილეობას.
