საქართველოს პრემიერ-მინისტრი ირაკლი ღარიბაშვილი არხილოსკალოში ჩავიდა, სადაც ადგილობრივებთან ერთად ოლიმპიურ ჩემპიონ ლაშა ბექაურს შეხვდა. მან განაცხადა, რომ ახალგაზრდებისთვის ლაშა ბექაურის სახელობის სპორტული დარბაზი აშენდება.
“ეს არის უდიდესი სიხარული ჩვენი ქვეყნის, მთელი ერის და განსაკუთრებით აი ამ რაიონის მცხოვრებლებისთვის. მე მინდა ლაშას, ამ გმირ კაცს კიდევ ერთხელ მივულოცოთ ეს უდიდესი გამარჯვება. ეს არის ჩვენი სიამაყე. დღეს მე ლაშას ვაცნობე, რომ მისი სახელობის ახალი დარბაზი აშენდება”,-განაცხადა ირაკლი ღარიბაშვილმა .
