ცნობილმა ფორვარდმა მილან ბაროშმა საფეხბურთო კარიერა დაასრულა. ამის შესახებ ინფორმაცია BBC-მ გაავრცელა. ბოლოს, 38 წლის თავდამსხმელი მშობლიური "ბანიკის" ღირსებას იცავდა.
სხვადასხვა დროს მილან ბაროში „ლივერპულში“, „ასტონ ვილაში" და „ლიონში“ თამაშობდა. 41 გოლით ის ჩეხეთის ნაკრების ყველა დროის საუკეთესო გოლეადორია.
ბაროში, 2004 წლის ევროპის ჩემპიონატის ბომბარდირი გახდა. ჩეხეთის ნაკრებმა კი ბრინჯაოს მედალი მოიპოვა.
