ლუის ჰამილტონი, რომელიც "ფორმულა 1"-ში Mercedes-ის პილოტია, 2020 წლის ფორმულა 1-ის სეზონის მე-14 რბოლა - თურქეთის გრან-პრის გამარჯვებული გახდა. ამ გამარჯვების წყალობით, ჰამილტონმა ჩემპიონატის ტიტული შეჯიბრის დასრულებამდე სამი ეტაპით ადრე უზრუნველყო.
ეს ლუის ჰამილტონისთვის უკვე მეშვიდე ტიტულია. ამ მაჩვენებლის თანახმად, მან ლეგენდარული გერმანელი მრბოლელის მიხაელ შუმახერის რეკორდი გაიმეორა.
მანამდე, მრბოლელმა გრან-პრიზე 92 გამარჯვება მოიპოვა და ამით შუმახერის რეკორდი გააუმჯობესა.
