„მანჩესტერ იუნაიტედის“ ფეხბურთელი ჰარი მაგუაიერი კუნძულ მიკონოსზე დააკავეს. ცნობილია, რომ მანჩესტერელთა კაპიტანი პოლიციამ დღეს, 21 აგვისტოს, გამთენიისას დააკავა. მაგუაიერს ბარის წინ კონფლიქტი მოუვიდა ინგლისელ ტურისტებთან. ინფორმაციას Protothema ავრცელებს.
როგორც გაირკვა „მანჩესტერ იუნაიტედი“ ინფორმირებულია ამ ფაქტთან დაკავშირებით.
შეგახსენებთ რომ ჰარი მაგუაიერი შვებულებას საბერძნეთში, მიკონოსის კუნძულზე ატარებს. მასთან ერთად მარკუს რაშფორდი და ჯესი ლინგარდიც ისვენებენ.
