ფეხბურთის ცოცხალმა ლეგენდამ, ლიონელ მესიმ მორიგი რეკორდი დაამყარა. არგენტინელმა კატალონიურ გუნდ "ბარსელონაში" კლუბის ისტორიაში ყველაზე მეტი მატჩი ჩაატარა.
ესპანეთის "ლა ლიგის" 28-ე ტურში მესიმ "რეალ სოსიედადის" წინააღმდეგ ითამაშა. 33 წლის ლეგენდამ კატალონიურ გრანდში 768 მატჩი ჩაატარა და ხავი ერნანდესს გადაასწრო.
მესის დებიუტი "ბარსელონას" მთავარ გუნდში 2004 წელს შედგა. ამ დროის განმავლობაში მან 659 გოლის გატანა შეძლო და ამ შედეგით ის გუნდის ყველაზე შედეგიანი ბომბარდირიცაა.
