ესპანეთის ლა ლიგაში მე-15 ტური დაიწყო. ისტორიული მომენტი დაფიქსირდა „ვალიადოლიდისა“ და „ბარსელონას“ შეხვედრაში. ლიონელ მესიმ მასპინძელთა კარში ერთი გოლი გაიტანა და ეს იყო არგენტინელის 644-ე გოლი „ბარსელონას“ შემადგენლობაში. ასე რომ, მესი ახალი რეკორდსმენი გახდა ფეხბურთის ისტორიაში ერთ კლუბში გატანილი გოლების რაოდენობით. წინა რეკორდსმენი ფეხბურთის მეფე პელე იყო, რომელსაც „სანტოსში“ 643 გოლი დაუგროვდა.
