"ნეფტჩისა" (ბაქო) და "დინამოს" (თბილისი) ხელმძღვანელობას შორის ოფიციალური შეხვედრა გაიმართა. ინფორმაციას აზერბაიჯანული მედია ავრცელებს.
გუნდები დღეს უეფას ჩემპიონთა ლიგის პირველი საკვალიფიკაციო ეტაპის საპასუხო შეხვედრაში ითამაშებენ.
შეხვედრას ბაქოს კლუბის პრეზიდენტი კამრან გულიევი, ვიცე-პრეზიდენტი ელნურ ევაზოვი, თბილისის კლუბის ხელმძღვანელი რომან ფიფია და სხვა ოფიციალური პირები ესწრებოდნენ.
გულიევმა თავის ქართველ კოლეგას ბაქოსა და ორივე კლუბის სახელების ამსახველი ნახატი გადასცა.
დღეს, „ბაქსელ არენაზე“, ბაქოს "ნეფთჩისა" და "დინამო თბილისის" განმეორებითი მატჩი გაიმართება.
