ლუხუმ ჩხვიმიანი და ტატო გრიგალაშვილი, ძიუდოს საერთაშორისო ფედერაციამ (IJF) გულშემატკივრის გამოკითხვის შედეგად, 2019-2020 წლების სეზონის საუკეთესო ძიუდოისტებად დაასახელა ორ სხვადასხვა ნომინაციაში.
2019 წლის მსოფლიოსა და ევროპის ჩემპიონი, ლუხუმ ჩხვიმიანი საუკეთესო მამაკაც ძიუდოისტად დასახელდა.
2020 წლის ევროპის ჩემპიონი უფროსებსა და 23-წლამდელებს შორის, ტატო გრიგალაშვილი კი „ამომავალი ვარსკვლავის“ ჯილდოს მფლობელი გახდა.
მსოფლიოს საუკეთესოები გულშემატკივრებისგან მიღებული ხმების მიხედვით, სულ 5 სხვადასხვა ნომინაციაში გამოვლინდნენ.
დაჯილდოების ცერემონია ძიუდოს საერთაშორისო ფესტივალის ფარგლებში ჩატარდა და როგორც წლის შემაჯამებელი ღონისძიება, ისტორიაში პირველად, ციფრულ რეჟიმში მიმდინარეობდა.
