საფეხბურთო სიმულატორ PES-ის 2020 წლის ევროპის ჩემპიონატის შესარჩევ ეტაპზე F ჯგუფში ვიასპარეზებთ, ჩვენი კიბერ-ნაკრების მეტოქეები კოსოვოს, ჩრდილოეთ ირლანდიის, ბელარუსის, ლიტვის და ლუქსემბურგის ნაკრებები იქნებიან. შესარჩევი ეტაპის შეხვედრები მარტიდან მაისამდე გაგრძელდება. ტურნირის ფინალური ეტაპი, რომელშიც მონაწილეობას 16 გუნდი მიიღებს, 9-10 ივლისს ლონდონში გაიმართება. საქართველოს ნაკრებს ტურნირზე 2 მოთამაშე - გიორგი საკანდელიძე და ალექსანდრე მომოტოვი წარმოადგენს, რომლებმაც PES 2020-ის საქართველოს ჩემპიონატზე საუკეთესო შედეგი აჩვენეს.
