საქართველოს ფუტსალის ნაკრები ევროპის ჩემპიონატის შესარჩევ ციკლში დღეს, 2 თებერვალს, თბილისის ახალ ოლიმპიურ სასახლეში რუსეთს უმასპინძლებს. ფეხბურთის ფედერაციის გენერალური მდივანის, დავით მუჯირის ინფორმაციით, მატჩს მაყურებელი არ დაესწრება.
„საქართველოს ფუტსალის ნაკრები 2 თებერვალს თბილისის ახალ ოლიმპიურ სასახლეში რუსეთს უმასპინძლებს. ეს წლის პირველი ოფიციალური თამაშია. პირველი მატჩი საფრანგეთთან გასვლაზე 4:4 დავასრულეთ, რაც ამ რთულ ჯგუფში საკმაოდ კარგი შედეგია. მეორეზე გასული, ფაქტობრივად, ევროპის ჩემპიონატზე გავა. სამწუხაროდ, ეს მატჩიც მაყურებლის გარეშე გაიმართება“, – განაცხადა დავით მუჯირმა.
