საქართველოს გოლფის ფედერაციამ და ‘Wine Land Golf Tours’-მა სასტუმრო „ბილტმორ თბილისში“ 2020 წლის პროგრამის პრეზენტაცია გამართეს.
საქართველოს გოლფის ფედერაციამ ოფიციალურად გამოთქვა სურვილი უმასპინძლოს ევროპის 2020 წლის ჩემპიონატის B დივიზიონს. თუ ამ უფლებას ქვეყანა მოიპოვებს, ევროპირველობა ‘Tbilisi Hills Golf Club’-ში ჩატარდება.
2020 წლის პროგრამის წარდგენისას ‘Wine Land Golf Tours’-ის დამფუძნებელმა ზურაბ ბოქოლიშვილმა ყურადღება გაამახვილა იმ ფაქტზე, რომ მთელი მომდევნო წლის განმავლობაში, საქართველოში გაიმართება 7 სამოყვარულო ტურნირი გოლფში.
პრეზენტაციაზე გააანალიზეს ევროპის ჩემპიონატი, რომელზეც საქართველოს ნაკრებმა პირველად მიიღო მონაწილეობა.
ცნობისთვის, წელს გოლფში ევროპის ჩემპიონატის მე-2 დივიზიონს ვილნიუსმა უმასპინძლა. ჩემპიონატი ‘The V Golf Club Vilnius’-ში ჩატარდა და მასში ევროპის 13-მა ქვეყანამ მიიღო მონაწილეობა. ქართული გოლფის ისტორიაში პირველად, შეჯიბრებაში საქართველოს ნაკრებიც ჩაერთო. ევროპირველობის დებიუტანტმა საქართველოს ნაკრებმა საბოლოოდ მე-11 ადგილი დაიკავა.
ბელა გელაშვილი
ავტორი