დღეს, 16 დეკემბერს, თბილისის დროით 21:00 საათზე, ნიონში, ერთა ლიგის მესამე გათამაშების წილისყრა გაიმართება და ფეხბურთში საქართველოს ნაკრების მეტოქეები გაირკვევა.
ერთა ლიგის 2022/23 წლების სეზონში საქართველოს ნაკრები მე-3 კალათაშია და, შესაბამისად, C ლიგაში ითამაშებს.რაც იმას ნიშნავს, რომ არანაკლებ ძლიერი მეტოქეები ეყოლება საქართველოს ნაკრებს, ვიდრე წინა გათამაშებაში, როდესაც გუნდი ჩრდილოეთ მაკედონიასთან, სომხეთთან და ესტონეთთან მოხვდა.
ერთა ლიგაზე რეიტინგში მიხედვით, ოთხ ლიგაში გადანაწილებული უეფა-ს 55-ივე წევრი ქვეყანა ითამაშებს – A, B და C ლიგებში 16-16 ეროვნული გუნდი მოხვდება და თითოეულ ლიგაში 4 4-გუნდიანი ჯგუფი შედგება. D ლიგაში 7 გუნდია და კი ორ ჯგუფად გაიყოფა – ერთში 4 გუნდი იქნება, მეორეშიც – 4.
ჯგუფური ეტაპის მატჩებს გუნდები 2022 წლის ივნისსა და სექტემბერში სახლში და სტუმრად ჩაატარებენ, ხოლო 2022 წლის მსოფლიო ჩემპიონატის ზამთარში გამართვის გამო, ერთა ლიგის ექვსი ტურიდან ოთხი ივნისში გაიმართება.
A ლიგის ოთხი ჯგუფის გამარჯვებულები გავლენ ერთა ლიგის ფინალურ ეტაპზე, რომელიც 2023 წლის ივნისშია დაგეგმილი. B, C და D ლიგების ჯგუფის გამარჯვებულები ერთი ლიგით მაღლა დაწინაურდებიან. A და B ლიგებში ჯგუფების ბოლოადგილოსნები ერთი ლიგით დაქვეითდებიან. C ლიგაში მეოთხე ადგილზე გასული გუნდები პლეი ოფში 2024 წლის მარტში ითამაშებენ. გამარჯვებულები დარჩებიან C ლიგაში, დამარცხებულები D ლიგაში დაქვეითდებიან.
