იტალიის სპორტის მინისტრის, ვინჩენცო სპადაფორის განცხადებით, სერია ა-ს 26-ე ტურის, 6 მატჩი კორონავირუსის გამო ცარიელი ტრიბუნების ფონზე ჩატარდება. აღნიშნულ ინფორმაციას Football Italia ავრცელებს. აღსანიშნავია, რომ მაყურებელთა გარეშე ჩატარდება ტურის ცენტრალური შეხვედრა, "იუვენტუსსა" და "ინტერს" შორის.
შეგახსენებთ, რომ კორონავირუსი პირველად 2019 წლის დეკემბერში, ჩინეთის პროვინცია უხანში დაფიქსირდა. მსოფლიოს მასშტაბით სულ 77 000 ადამიანია დაინფიცირებული. აქედან 2 600 ადამიანი დაიღუპა, ხოლო 25 000 გამოჯანმრთელდა.
