მადრიდის “რეალის” კაპიტანი სერხიო რამოსი გუნდიდან მიდის. ამ ინფორმაციას “სამეფო კლუბის” ოფიციალური ვებ-გვერდი ადასტურებს.
17 ივნისს გაიმართება ცერემონია, რომელიც კლუბიდან სერხიო რამოსის წასვლას მიეძღვნება.
რამოსს “რეალთან” კონტრაქტი 30 ივნისს ეწურება. მხარეებმა ახალ ხელშეკრულებაზე შეთანხმებას ვერ მიაღწიეს. კლუბი გუნდის კაპიტანსა და ლიდერს ერთწლიან კონტრაქტსა და 10 პროცენტით შემცირებულ ხელფასს სთავაზობდა, თავად კაპიტანს კი მინიმუმ ორწლიანი ხელშეკრულების გაფორმება სურდა.
სერხიო რამოსი მადრიდის “რეალში” 2005 წელს “სევილიადან” გადავიდა. „რეალის“ რიგებში სერხიო რამოსმა 671 მატჩი ჩაატარა, 101 გოლი გაიტანა და 39 საგოლე გადაცემა შეასრულა.
