დღეს თბილისში მარათონი იმართება. 09:00 საათზე 3000-ზე მეტმა მოყვარულმა აიღო სტარტი. ისინი 21 კილომეტრიანი დისტანციის დაფარვას ცდილობენ. გამარჯვებულები ოთხ კატეგორიაში გამოვლინდებიან. ესენია: ბავშვთა გარბენი (0.5 კმ.); ბავშვთა გარბენი (1.2 კმ.); გარბენი (10 კმ.) და ნახევარმარათონი (21 კმ.).
ღონისძიება საქველმოქმედო ხასიათს ატარებს. მონაწილეთა რეგისტრაციით შემოსული თანხა გაორმაგდება და ძეგვის თავშესაფარს გადაეცემა.
თბილისის საპატრულო პოლიციის დეპარტამენტმა გაავრცელა ინფორმაცია იმ ქუჩების შესახებ, რომელიც ღონისძიების ჩატარების გამო გადაიკეტა.
