თბილისის "ლოკომოტივს" გიორგი ჭიაბრიშვილი გაწვრთნის. ამის შესახებ "რკინიგზული" კლუბის საიტი წერს.
გუნდის მიერ გავრცელებული ინფორმაციის თანახმად, მხარეებმა სამწელიწადნახევრიან კონტრაქტს ხელი უკვე მოაწერეს.
ახალი მწვრთნელი ხელმძღვანელობამ ფეხბურთელებს უკვე წარუდგინა. დღეს კი ახალგაზრდა სპეციალისტი პირველ ვარჯიშს ჩაატარებს. ჭიაბრიშვილის დებიუტი 9 ივლისს, ბათუმის "დინამოს" წინააღმდეგ შედგება.
შეგახსენებთ რომ აღნიშნულ თანამდებობაზე, გიორგი ჭიაბრიშვილმა სოსო ფრუიძე ჩაანაცვლა, რომელმაც დედაქალაქური გუნდი ურთიერთშეთანხსმების საფუძველზე დატოვა.
