თეიმურაზ ვანიშვილი ევროპის ჩემპიონია, - ამის შესახებ ინფორმაციას საქართველოს ჭიდაობის ეროვნული ფედერაცია ავრცელებს.
მათივე ცნობით, სკოპიეში მიმდინარე, თავისუფალი სტილით მოჭიდავეთა ევროპის 23-წლამდელთა ჩემპიონატის ფინალში თეიმურაზ ვანიშვილმა სომეხი რაზმიკ პაპიკიანი დაამარცხა და ოქროს მედლის მფლობელი გახდა.
"თეიმურაზ ვანიშვილმა (61 კგ) სომეხი პაპიკიანი 6:1 დაამარცხა და ევროპის ჩემპიონი გახდა", - აღნიშნულია ინფორმაციაში.
ამასთან, ჭიდაობის ფედერაციის ცნობით, ვლადიმერ გამყრელიძემ (74 კგ) აზერბაიჯანელ აშიროვს 3:1 მოუგო და ევროპის ჩემპიონატზე ბრინჯაოს მედალს დაეუფლა.