იაპონიის საზაფხულო ოლიმპიური თამაშების საორგანიზაციო კომიტეტი 2021 წელს ოლიმპიადის გადადების საკითხს არ განიხილავს. ამის შესახებ კომიტეტის თავმჯდომარემ სეიკო ჰასიმოტომ განაცხადა. ინფორმაციას Kyodo News ავრცელებს. მანმადე იაპონიის მმართველი ლიბერალურ-დემოკრატიული პარტიის გენერალურმა მდივანმა ტოსიჰირო ნიკაიმ აღნიშნა, რომ ეპიდემიოლოგიური ვითარების გაუარესების გამო, შესაძლოა, ოლიმპიადა გადადებულიყო.
"ჩვენ გადადების ვარიანტს არ განვიხილავთ. კონცენტრირებულები ვართ უსაფრთხოების ზომებისა და საორგანიზაციო საკითხების უზრუნველყოფაზე", -განაცხადა სეიკო ჰასიმოტომ.
საზაფხულო ოლიმპიური თამაშები ტოკიოში 2020 წელს უნდა გამართულიო. კორონაპანდემიის გამო ის 2021 წლისთვის გადაიდო. ოლიმპიადა 23 ივლისიდან 8 აგვისტომდე არის დაგეგმილი.
