საქართველოს საკალათბურთო ნაკრების ლიდერი თორნიკე შენგელია ევროლიგის ბოლო ათწლეულის საუკეთესო მოთამაშეებს შორისაა ნომინირებული. ვებ-გვერდზე მის წარმდგენ ოფიციალურ ტექსტში წერია, რომ შენგელია გამოირჩევა ათლეტურობით და მობილურობით. აქვე მოტანილია ძირითადი ინფორმაცია მისი კარიერის შესახებ და აღნიშნულია, რომ სარგებლიანობის მაჩვენებლით, ქულებითა და მოხსნებით საუკეთესო 40-ეულშია.
„საშუალო მაჩვენებლებით, თორნიკე შენგელია ბოლო 10 წელიწადში საუკეთესი 15-ეულშია. მნიშვნელოვანია, რომ მან დიდი ძალისხმევა ჩადო "ბასკონიის" ცნობილ გუნდად ქცევაში“, - ნათქვამია ევროლიგის ვებ-გვერდზე.
